RECOMENDACIÓNS LECTORAS NADAL 20-21

 

Este ano, non esquecemos recomendarvos dende a biblioteca algunhas lecturas 

que poden resultar do voso interese.

Desexamos que disfrutedes de elas, tanto como nós fixemos.

Xoves de emocións diversas

 Xa estamos no mes de Decembro, mes no que imos  aprender sobre a Diversidade e sobre que é realmente iso da Dis - Capacidade. Conmemoraremos o 3 de Decembro, Día das Persoas con Discapacidade disfrutando da fermosa historia de Ismael Serrano "Un Hada Diferente" e, sobre todo, aprenderemos a entender as diferencias coma un valor en si mesmo que enriquece a nosa escola e a nosa sociedade.

Por unha sociedade diversa e inclusiva para todos e todas!

Xoves de emoción: Violencia de xénero.

 As cores do outono, no mes de novembro, tínguense de violeta e negro. Ao longo deste mes traballaremos co noso alumnado as emocións que xiran en torno á violencia de xénero. Desde o Equipo de Biblioteca realizamos unha proposta de lecturas, vídeos, películas e actividades que se poden levar a cabo ao longo do mes, así como recursos para abordar a violencia de xénero desde a casa, que esperamos sexan da vosa axuda.

Remataremos, o día 25  (25N), coa condena manifesta contra a violencia machista.

Xoves de emoción: Dalle medo ao medo!

 Xa está aquí o Samain e seguro que todos e todas sentimos un montón de emocións diferentes: alegría, espectación, ilusión, desacougo... e mooooiiiiito MEDO!

Démoslle MEDO AO MEDO e aprendamos a identificar e xestionar esta emoción tan necesaria para a nosa supervivencia. 

Desde a Biblioteca compartimos unha serie de recursos e propostas que esperemos vos axuden a enfrentarvos ao medo. 

A disfrutar terroríficamente!

Día da Biblioteca Escolar

 

Queridos nenos e nenas! 

Como sabedes, mañá é día 24 de outubro e nel festexamos algo moi importante...

O DÍA DA BIBLIOTECA!!!

Sempre viñades visitarme neste día contándome fermosas historias... disfrutaba moito da vosa compaña, pero este curso (moi diferente)como non podedes visitarme (agás os nenos e nenas de primeiro que me están a coidar requeteben), quero facervos chegar eu a miña nova historia e animarvos a participar da miña man nun novo proxecto.

Estades dispostos? Estou seguro de que sí.

Aquí tedes a miña nova aventura, coñecendo a un ratiño moi especial, chamado Frederik. Disfrutade do video ou facede clic sobra a súa imaxe e poderedes descargar o conto para lelo con toda a calma do mundo.

 

Espero vos guste tanto como a min

Feliz Día da Biblioteca

Xoves de emoción!

 Lecturitas anda a aprender a identificar as emocións que se agochan nos diferentes textos literarios. Un amigo poeta recomendoulle a lectura da obra "A casa de había unha vez" de Ana Mª Fernández e descubriu este fermoso poema. Saberíades identificar as emocións que se atopan entre os seus versos? Seguro que si! Animádevos a disfrutar da súa lectura e axudar a Lecturitas deixando un comentario identificando as diferentes emocións! Sabedes a que conto fai referencia?. 

Matarile-rile, matarile-rón,

os sete cabritos de branco algodón.

Os sete cabritos querían xogar

á roda rodiña, no verde pinar.

E chegaron novas que o lobo feroz,

quería xantar año con arroz.

 

A mamá cabuxa, mortiña de medo,

pechoulle-la porta co seu tarabelo.

-Non saiades fóra, que nunca se sabe,

eu volverei logo e xa levo a chave.

Pero o lobo malo, que andaba á procura,

a seis deles puxo na barriga escura

Dentro do reloxo, o máis pequeniño,

púidose librar do negro fociño.

E avisou á nai, que era costureira

e, xuntos, abríronlle a tripa tripeira.

Ó sairen todos, brincando contentos,

enchéronlle a panza de pedras a centos

 

Matarile-rile, matarile-rón,

os sete cabritos de branco algodón.

 

 

A casa de había unha vez.  

Ana Mª Fernández.

Poesía, que emoción!

Turisteando pola provincia de A Coruña

 TURISTEANDO COS MIÚD@S é un xogo infantil interactivo para que descubrades a riqueza cultural e turística da provincia da Coruña. Pinchade na imaxe para acceder.

Ata sempre Quino

 Coñecedes a MAFALDA? Seguro que sí! Esa nena preocupada pola humanidade, a paz mundial e que se rebela contra o mundo dos adultos. 

O seu creador, Quino, faleceu recentemente pero sempre permanecerá a súa obra para disfrutar, rir e reflexionar. 

Disfrutade da lectura! Pinchade aquí.

Xoves de Emoción!

 Este xoves compartimos con vós un fermoso álbum de BRITTA TECKENTRUP, "EL ÁRBOL DE LA AMISTAD" co que descubrirás que a amizade é coma unha árbore máxica e fermosa, que só medra si se rega con agarimo e amabilidade cara os outros. 

Estamos en outono e  moitas árbores quedan sen follas pero a  nosa árbore da amizade medrará con xestos cariñosos e amables. Fagámola medrar xunt@s!

Xoves de emoción!

 Desde a Biblioteca, en colaboración co Departamento de Orientación, voltamos cos XOVES DE EMOCIÓN!

Ao longo do curso publicaremos  diferentes recursos e propostas para EMOCIONARNOS.

Hoxe compartimos o fermoso conto "Así es la Vida" de Carmen e Ana Luisa Ramírez. As súas autoras ensínannos, de xeito sinxelo e claro, a vivir e disfrutar da vida incluso cando as cousas non saen como un espera.

Debemos adaptaranos e ver o lado positivo de cada acontecemento da nosa vida e ver unha nova oportunidade nesa realidade.

A forma de mirar cambia o senso de todo.

 O xeito de enfrentarnos a unha mesma situación vital varía en función da nosa mirada, de como queramos "ler" os acontecementos. 

Animádevos a ler este texto, primeiro cara abaixo. Despois lede o mesmo texto empezando polo final, cara arriba.

Que opinades despois da letura? Que credes que nos quere dicir Lecturitas enviando esta mensaxe? Deixade os vosos comentarios no blog e aprenderemos xunt@s a mirar.

Benvid@s!

 

Se pinchades na imaxe Lecturitas vos axuda a lembrar as normas da nova realidade na escola.

Mulleres que Iluminan

ÁRBORE MULLERES QUE ILUMINAN

Hoxe Lecturitas quere darvos a noraboa polo traballo realizado sobre mulleres de Paz. 

O resultado final é asombroso e realmente fermoso. 

Aprendemos con él moito sobre mulleres importantes que iluminan o mundo coa súa labor de paz. 

                          

         

Tríptico Recomendacións Lectoras Verán

LECTURAS PARA O VERÁN

Chegamos ao fin de curso dun xeito bastante diferente pero queremos quedarnos con todo o bo que vivimos e o que quedará por vivir.

Dende a biblioteca queremos, de novo, ofrecervos algunhas recomendacións de lecturas para este periodo de descanso.

Estamos seguros de que serán de moito proveito para todos e todas!!

Face clic no enlace seguinte e accederes as recomendacións.

Tríptico Verán

Decálogo contra os estereotipos de xénero

No día de hoxe, xa a piques de rematar o presente curso escolar, Lecturitas está emocionado co resultado final das aprendizaxes acadadas a través do proxecto MIS+.

Por este motivo preséntavos o decálogo elaborado polo alumnado do terceiro ciclo en contra dos estereotipos de xénero.

Cómpre destacar que as imaxes foron elaboradas polos nenos e nenas na súa visita ao CIEC (Centro Internacional Estampa Contemporánea).

Mulleres Científicas

Lecturitas felicita hoxe a todos os nenos e nenas da escola pola súa participación na actividade do proxecto MIS+ "Mulleres Científicas".

Gustáronlle tanto os vosos traballos que decidiu facer unha composición con todos eles e compartilos para que toda a comunidade educativa poida aprender das vosas investigacións.

Se facedes clic sobre os ollos violetas desta imaxe, accederedes aos traballos realizados polo alumnado. 

Disfrutadeos porque son realmente unha obra de arte e coñecemento.

Respostas Bea a de Estrella

NOVA SOPRESA!

Hoxe de novo traemos ao blogue Lecturitas, moito conto unha nova sorpresa.

Recordades as preguntas feitas a Bea a de Estrella, cantautora galega?

Pois... ao igual que Susana Seivane, ela tamén quixo darvos resposta.

Podedes escoitala no video que vos deixamos. 

De seguro vos gustará!

Contos MIS+

Queridos nenos, nenas e familias:

Fai un tempo o alumnado de 5º e 6º de Primaria reescribiron as historias da "Cincenta" e a "Sireniña", convertendo estos clásicos en contos igualitarios.

O resto do alumnado da nosa escola foron os ilustradores, e agora aquí tedes o resultados das vosas obras en equipo. 

Noraboa!

Susana Seivane resposta ao CEIP Sada y sus Contornos.

Queridos nenos e nenas:

Recordades as preguntas que fixestes para Susana Seivane?

Pois...

SORPRESA!

Temos xa todas as respostas a elas.

Podedes escoitar a Susana respondendo no vídeo que vos deixamos. 

Agardamos vos guste!

Xoves de Emoción IV

Hoxe Lecturitas síntese azul, como o Monstruo de Cores, síntese triste e non sabe moi ben que facer. Ímoslle a axudar

"A tristeza é unha emoción que che fai sentir co estado de ánimo baixo. Sínteste abatido e pesimista e non tes gañas de facer cousas nin de ver a ninguén. Invádete unha pena e podes chorala ou non facelo, e sentila por dentro. Tamén podes sentir dor interno, insatisfación, desesperanza...

Hay moitos graos e tipos de tristura. Por exemplo: si se mesturan cos recordos dun pasado mellor dicimos que é nostalxia; se é vaga, sombría ou sosegada, melancolía; si se ancla, faise máis profunda e se complica, depresión. "

 Laberinto del Alma de Anna Llenas.

Un dos mellores libros para traballar  esa tristeza profunda e complicada é "Vacío", da mesma autora.

A autora nos ensina, a través deste fermoso albume que debemos mirar no noso interior para superar o vacío que podemos sentir nun momento dado e procurar a conexión cos demáis. Para escoitar o conto completo pinchade aquí .

Para poder entender ben este sentimento e como tratalo para que non afonde no noso corazón desde a Biblio compartimos unha serie de contos e propostas paramedrar emocionalmente.

Contos por Teléfono: Libro Sonoro

O luns de hoxe está adicado a obra de Gianni Rodari: Contos por teléfono.

Aínda que sabemos que moitos nenos e nenas xa coñecen as súas historias, son desas que sempre cómpre voltar a ler e neste caso, escoitar. 

Esta fermosa obra podedes desfrutala agora a través do seguinte libro sonoro. Esperamos vos guste. 

Facede clic sobre o libro de cores e xa estaredes preparados para unha nova aventura lectora.  

Nova e última proposta (Mis+ na distancia)

Queridos nenos, nenas e familias:

Chega unha nova e última entrega de actividades do proxecto MIS+

Esta vez Lecturitas propón dúas actividades sinxelas para dar fin ao noso traballo neste curso. Conta coa vosa participación. É moi importante para él e para nós. Animádevos e participade. Son tarefas doadas. Prestade atención.

Actividade 1: Ver o vídeo de presentación dunha muller galega referente na nosa música: Bea a de Estrella, para así poder coñecela, de igual xeito que fixemos con Susana Seivane. 

Depois debedes formular unha pregunta para ela: Podedes preguntar pola súas inspiracións, pola súa nenez, polo seu amor á música galega, pola loita que fai a favor da igualdade de xénero, polas súas composicións… o que vós queirades.

A pregunta que queirades facer mandala ao correo noeliarodriguez@sadaycontornos.es indicando nome e curso. 

Actividade 2: Mulleres científicas

Nesta segunda actividade o traballo que Lecturitas vos pide é realizar un collage, debuxo, escritura e decoración dun nome, mural... é dicir un obra pictórico/artísitca libre sobre algunha científica.

Para facelo deixavos as seguintes instruccións e materiais segundo o voso curso:

• Educación Infantil: Coñecerá a Marie Curie a través da seguinte canción. Logo de escoitala poderá facer a súa obra. 

• 1º e 2 de Educación Primaria: Coñecerán científicas diversas a través do seguinte material. Clicade na imaxe e descargaredes un documento que vos presenta a mulleres de ciencia relevantes. Unha vez seleccionades a vosa favorita, faredes a obra sobre ela.

• 3º e 4º Educación Primaria: Coñecerán diferentes científicas a través da lectura do cómic que vos achega Lecturitas. Seleccionarán a súa favorita e farán o traballo artístico sobre esta. Facede clic sobre a imaxe e descargaredes o cómic no voso dispositivo.

• 5º e 6º Educación Primaria: Coñecerán mulleres científicas da nosa terra, seleccionarán a que máis lles guste e farán a súa obra en base a ela. Facendo clic na seguinte imaxe, accederedes ao material que precisades. 

💜TEDES ATA O 15 DE XUÑO PARA ACHEGAR AS VOSAS PREGUNTAS A BEA A DE ESTRELLA E AS VOSAS OBRAS SOBRE AS CIENTÍFICAS💜

Mulleres Científicas

MULLERES CIENTÍFICAS

Como o noso alumnado estivo inmerso neste curso nun proxecto de igualdade de xénero baixo o título MIS+ (Máis que un museo de Igualdade en Sada y sus Contornos) e coñeceron a importancia de dar visibilidade ás mulleres científicas, investigaron sobre moitas delas, descubriron a súa labor... dende o blogue de biblioteca queremos transmitir unha mensaxe:

NORABOA! SODES UN EXEMPLO A SEGUIR!

<<POR UN MUNDO EN IGUALDADE>>

Aproveitando a nosa felicitación, deixamos para os nosos nenos e nenas este recurso que sabemos aproveitarán e servirá para que trasladen as súas casas, as súas familias, ao seu entorno... todos os seus coñecementos sobre muller e ciencia.

Trátase dun xogo de cartas que podedes imprimir. 

Facede Clic sobre a imaxe e accederedes as instruccións precisas para poder utilizalo.

Xoves de Emoción III

MEDO

Cando sintes medo, unha emoción intensa percorre o teu corpo e alértate dun perigo. Pode ser grande ou pequeno, real ou imaxinario, consciente ou inconsciente, pero afectarate e farate reaccionar dalgún xeito para te protexer. E tenderás a facer dúas cousas: atacar ou fuxir.

Atacar é cando te enfrentas ao medo ou á situación, cando tomas unha actitude activa.

Fuxir é o contrario, cando intentas evitar a situación a toda costa; tomas unha actitude pasiva se esquivas, negas, pos excusas, esqueces, rexeitas...

"Laberinto del Alma" de Anna Llenas.

Un dos contos de medo favorito de Lecturitas é A Bruxa Regañadentes. Disfrutade do conto e observade como reaccionan os seus protagonistas ante o medo.

É moi importante que aprendamos a superar os nosos medos. Valentía, prudencia e imaxinación son os tres ingredentes básicos para enfrentarnos aos nosos temores e, como para todo, os libros son o noso gran aliado. Deixamos aquí unhas recomendacións por si as precisades.

Un pouco de historia

E para hoxe compartimos con todos e todas libros "geniales" de historia. A través da lectura destes libros virtuais "Los cuentos de Lidia" sw Inma Palomares, Javier Muñoz e Jerónimo Agüero descubriredes aspectos da Idade Antigua e Idade Media e teredes que ir resolvendo os retos que se vos presentan.

Contos en Cuarentena

Nestos días de encerro nas nosas casas, moitas editorias, aplicacións... puxeron á nosa disposición recursos varios para todas as idades e poder así pasar o tempo do mellor modo posible: lendo (so, en familia, online, en papel, lecturas interactivas, xogos lectores...)

Den a biblioteca recollemos os seguintes recursos que pensamos poden ser do voso interese:

• Desafío Leer 2020: Recurso con acceso gratuito a lecturas, xogos, biblioteca dixital...

• Amanuta: Editorial que ofrece en aberto lectura infantís para Google Play e APP Store. 

• Conto Ilustrado: "Secreto de Familia" historia dunha nena que descobre que a súa nai en realidade é un porcoespín. 

Xoves de EMOCIÓN II

Un dos contos preferidos de Lecturitas é " CONTOS DE RATIÑOS" de Arnold Lobel. Neste libro o papá rato conta aos seus ratiños historias que emocionan e que nos axudan a adquirir competencias emocionáis básicas (consciencia emocional, regulación emocional, autonomía emocional, habilidades para a vida...).

O Pozo dos Desexos é o primeiro dos contos que podedes atopar. Pinchade na imaxe para disfrutar da súa lectura.

O interés, sorpresa, desilusión, tristura, desacougo, ledicia, empatía... son algunhas das emocións que atoparedes na súa lectura.

Moitas veces, as persoas que temos preto pregúntannos que nos pasa porque ven nas nosas caras, voces ou corpo sinais que non son habituais en nós. Facer isto, darse conta de que algo pode estar a pasar, é ter empatía. Agora que estamos na casa, propoñémosvos un reto: 

CADA DÍA DA SEMANA INTENTA AVERIGUAR COMO SE SINTEN OS MEMBROS DA TÚA FAMILIA...SIN PREGUNTARLLO. SEREDES CAPACES?

Libros Infantiles Gratuitos

Estimadas familias e alumnado:

Neste luns a proposta do blogue de biblioteca é presentavos unha páxina chea de recursos de gran utilidades para os nenos e nenas da nosa escola.

Trátase dun espazo que conta cun proxecto educativo no que todas as versións dixitais dos libros son de descarga gratuita. Estamos seguros de que poderedes sacarlle moito partido.

Navegade polas súas pestanas e non desaproveitedes a posibilidade de acceder a todas e cada unhas das historias propostas, clasificadas por idade e xénero. 

https://weeblebooks.com/es/cuentos-infantiles/

Ricardo Carvalho Calero

O 17 de maio celebramos o Día das Letras Galegas. Este ano está adicado a Ricardo Carvalho Calero, ferrolano historiador da nosa lingua, crítico literario, filólogo, poeta, novelista... gran defensor do idioma galego e a nosa cultura. 

Para aprender sobre el, a súa vida e obra podedes pinchar nas imaxes. 

Na seguinte imaxe atoparedes máis recursos para seguir a aprender e  xogos divertidísimos. Pinchade nos diferentes enlaces para descubrilos. 

MIS+ NA DISTANCIA

Queridos nenos, nenas e familias:

Seguro recordades que estivemos a traballar moito neste curso no noso proxecto de igualdade MIS + (máis que un museo de igualdade en Sada y sus Contornos).

Fixemos unha chea de fermosos traballos colaborativos, (sodes uns artistas!) e aprendemos sobre a necesidade de respecto, empatía, igualdade...

Agora que estamos lonxe Lecturitas pide axuda para dar continuidade a este proxecto. Conta con vós! E a súa proposta é...

1. Ver o vídeo de presentación dunha muller galega referente na nosa música: Susana Seivane, para coñecela un pouquiño máis.

2. Formular unha pregunta para ela: Podedes preguntar pola súa carreira musical, pola súa nenez, polo seu amor á música galega, pola loita que fai a favor da igualdade de xénero… o que vós queirades.

A pregunta que queirades facer debedes mandala ao correo noeliarodriguez@sadaycontornos.es indicando o voso nome e curso, ou podedes deixalas, indicando nome e curso nos comentarios desta publicación.

💜Estamos desexando recibilas… Haberá sorpresa!💜

#EnSadaysusContornoslemosnacasa

Coas fotografías aportadas para a actividade #SadaysusContornoslemosnacasa elaborouse o seguinte vídeo. Moitas grazas a todos e todas por participar.

Esperamos que ao ver o vídeo animédesvos a seguir lendo.

Xoves de EMOCIÓN!

Neste primeiro xoves do mes de maio, o mes das frores, o mes das Letras Galegas, imos emocionarnos co.... AMOR.

Amor aos nosos, amor á vida, amor á terra, amor á lingua....

Disfrutade do fermoso poema de Álvaro Cunqueiro "Quen puidera namorala" con música de Batallán, adaptado a pictogramas por Alba Pérez

Que significa AMAR? Que emocións están relacionadas? Que sentimos cando amamos?

A Editorial Palabras Aladas conta cun montón de libros interesantísimos para desenvolver nos rapaces e rapazas a intelixencia emocional e ao comezo do confinamento fixo un fermoso xesto de amor, compartindo libremente a súa obra AMAR. Podedes ler cada día unha páxina en familia. se pinchades na imaxe podedes acceder ao libro para descargar.

Neste mes de maio, plantemos as sementes da árbore do amor nas nosas casas.

 Falade  de cada unha das palabras relacionadas co AMOR.

O amor que sinte un pai ou unha nai polos seus fillos e fillas é infinito.A través deste fermosísimo conto, "Adiviña canto te quero" de Sam MacBratney, poderemos compartir ese AMOR cos nosos fillos e fillas  cada vez que o lemos. Pinchade na imaxe para escoitar o conto

                                                                                                                

Para os máis maiores recomendamos para a hora de ler  "Alquiler de emociones", libro escrito por Carolina Hughers e ilustrado por Lorena Ruiz (De los cuatro vientos). A través de relatos curtos podemos adrentarnos no mundo das emocións. Este fermoso libro comeza cunha historia de amor.

 Animádevos a namorarvos dos libros.