OBRADOIROS DE RECICLADO DE PAPEL PARA FESTEXAR O DÍA DO LIBRO

Co gallo da celebración do día do libro, ao longo de toda esta semana estivemos a participar nun obradoiro de reciclado de papel.

Demos unha segunda vida a papeis e cartóns que xa non empregábamos elaborando o noso propio papel reciclado.

A partires de aí, decoramos unha porción de papel na que escribimos con pluma o que para nos significaba a lectura e os libros, que acabarán decorando o noso recuncho de Paz.

Non se nos ocorre mellor forma de festexar este día contribuíndo ademáis a coidar do medio ambiente!

(Premede na imaxe para ver máis fotos) 

 

 

SEMANA DO LIBRO

 

 

Esta semana é moi especial para Lecturitas: despois dun ano agardando, por fin chegou o momento de celebrar o DÍA O LIBRO! 

Neste día tan sinalado, convídavos unha vez máis a que vos pasedes a visitala e gocedes dun momento de lectura na nosa biblioteca, agárdavos coas orellas abertas!

Aquí vos deixamos tamén algunha recomendación lectora para estos días, premede nas imaxes para ver os contos.

 

 

 

 

 

 

 

 

 

 

 

 

 FELIZ DÍA DO LIBRO

 

 DÍA MUNDIAL DA CONCIENCIACIÓN SOBRE O AUTISMO

O vindeiro sábado 2 de abril conmemórase o "DÍA MUNDIAL DE CONCIENCIACIÓN SOBRE O AUTISMO". Un ano máis, sumámonos a dita conmemoración sensibilizando á comunidade educativa sobre o Trastorno do Espectro Autista, a través da iniciativa: "Unha feliz viaxe pola vida", na que todo o alumnado do centro representou o que para elas e eles era ser feliz.

Premede na seguinte imaxe se queredes descubrir algún conto sobre o AUTISMO e, por suposto, non dubidedes en pasarvos pola biblioteca para ler algún deles.