Logo de Sada Instrucción y apoyo

Logo de Sada Instrucción y apoyo
Logo da Sociedade "Sada y sus contornos" creada en Nova York, no 1913, por emigrantes naturais do Concello de Sada e residentes nesa cidade americana. A finalidade principal era dotar á súa vila natal de medios co que instruír ás novas xeracións. No 1927 inaugurábase a nosa escola...83 anos despois, inauguramos o blogue da súa Biblioteca. Sada, 25 Outubro do 2010.

martes, 11 de marzo de 2025

SUPERHEROÍNAS

 Continuando co proxecto
VIÑETAS DENDE SADA,  todo o alumnado deseñamos a  nosa superheroína de cómic e dotámola de superpoderes fantásticos.

Lecturitas quere felicitarvos a todos e todas por facelo tan ben. Pero agora temos unha nova misión; temos que elixir a nosa superheroína favorita entre as dezaseis finalistas seleccionadas.

 Teredes que visitar o  mural nas escaleiras do cole e votar pola que máis vos guste. É unha misión moi importante porque as máis votadas terán un papel fundamental  no cole proximamente. 

Cal será ese papel? Axiña vos seguiremos contando...


 

 


OS CÓMICS DA NOSA VIDA

Lecturitas atópase moi emocionado porque xa temos listo o  mural cos cómics da nosa vida, unha liña do tempo na que podemos ver os cómics que lía gran parte da nosa comunidade educativa. 

Moitísimas grazas ás familias e aos mestres por compartir connosco cales eran os seus cómics preferidos cando eran cativos!

E non vos esquezades de visitar este mural tan especial, no que atoparedes cómics de diferentes temáticas que seguro que vos encantan. 

Ademais poderedes descubrir cales lían Andrés, a "teacher" Teresa e outros profes do cole, así como moitos dos vosos familiares.


 

martes, 17 de diciembre de 2024

CARTA DE LECTURITAS

 LECTURITAS deixounos esta carta para os nenos e nenas do noso colexio. 

Proponnos dous novos retos para continuar co PROXECTO VIÑETAS DESDE SADA.

Agora a desfrutar das vacacións de Nadal e a prepararse para axudar a Lecturitas!

FELICES FESTAS

jueves, 12 de diciembre de 2024

AS MOCHILAS VIAXEIRAS XA ESTÁN DE CAMIÑO ÁS VOSAS CASAS

 Por fin chegaron as mochilas viaxeiras ás nosas clases para poder levalas a casa e desfrutar da lectura en familia.

Lecturitas sabe que nos gustan moito e por iso este ano encheunas de libros marabillosos e algunha sorpresa.

E non vos esquezades de compartir as vosas experiencias coas lecturas no caderno da mochila!

 

Tamén contarvos que o alumnado de Educación Infantil estreou este curso novas bolsas para realizar os seus préstamos.