NOVIDADES

Xa están aquí as novidades lectoras sobre o noso proxecto! 

 

 

 Esta semana en Bibliopatio:

LA SIESTA PERFECTA

 

Ao longo desta semana, as nenas e nenos de 5ºA están a representar o conto "La siesta perfecta". Podedes coller os vosos tickets na columna de diante dos aseos que usamos durante o recreo, non vos quededes sen el! 

 

 

EXPOSICIÓN MAR DE MARES

    Durante estas semanas o alumnado visitará a exposición "Mar de Mares" chea de información curisiosa sobre os nosos mares, para poder resolver os diferentes retos propostos por Lecturitas.

 

  

LECTURITAS PROPONNOS

 UN NOVO RETO 

 

Como cada 24 de outubro celebramos o Día das Bibiotecas Escolares e, como cada ano, Lecturitas vai visitando as aulas propoñéndonos un novo reto para este curso.

Apareceu nas nosas aulas con artiluxios e obxectos moi relacionados co Mar: un baúl con rede de pesca, un catalexo, dúas moedas piratas, dous peixes, unha caracola, unha cuncha... e unha carta misteriosa!

 

 

Nela pedíanos resolver varios misterios sobre o mar agochados na exposición Mar de Mares.

Tamén nos deixou un lenzo xigante, un caderno mariñeiro, uns sacos pequeniños... estamos ansiosas e ansiosos por descubrir máis sobre este misterio!

 

 

 

 

 

 

BIBLIOPATIO

📕📗📖📘📙  

 

Dende hai unhas semanas, dentro do programa DIVER+, está a funcionar Bibliopatio, unha caixa repleta de libros de diferentes temáticas que sae a patio de luns a xoves para que poidades gozar da lectura tamén no tempo de lecer.

 

 Podedes atopala nas escaleiras da entrada principal do colexio.

ACHEGÁDEVOS A OLLAR TODAS AS SORPRESAS QUE SE AGOCHAN NO SEU INTERIOR! 

DESPEDIDA A LECTURITAS

 As mochilas viaxeiras xa voltan ao colexio despois de visitar a todos os nenos e nenas nas súas casas. 

O alumnado de 1º tivo a sorte de que Lecturitas os acompañase nesa aventura e así realizaron a súa despedida ata o próximo curso.

 

OS NOSOS LIBROS FAVORITOS

 Os nenos e nenas de 4º de EI 

comparten connosco os seus libros favoritos. 

XENIAL!!! 

DESFRUTANDO CO BIBLIOPATIO

 

APADRIÑAMENTOS LECTORES

 Na Semana do Libro todo o colexio realizamos os apadriñamentos lectores compartindo momentos de lectura cos nosos compañeiros e compañeiras. 

É unha actividade de convivencia e aprendizaxe que nos encanta! 

BIBLIOPATIO E HOSPITAL DE LIBROS

 Hoxe queremos falarvos dunha nova proposta que Lecturitas nos trae este curso.

Trátase de BIBLIOPATIO, o noso recuncho de lectura ao aire libre para que disfrutedes no tempo de patio.  Disporedes de diferentes libros organizados por ciclos que se irán cambiando regularmente. 

Iso si, é moi importante que os coidedes moito, porque xa sabedes que cada libro é un tesouro. Por iso, poñeremos en marcha tamén o HOSPITAL DE LIBROS, onde haberá que depositar os que teñan algún deterioro para poder curalos. 

Lecturitas sabe que o faredes xenial!

 

SUPERHEROÍNAS

 Continuando co proxecto VIÑETAS DENDE SADA,  todo o alumnado deseñamos a  nosa superheroína de cómic e dotámola de superpoderes fantásticos.

Lecturitas quere felicitarvos a todos e todas por facelo tan ben. Pero agora temos unha nova misión; temos que elixir a nosa superheroína favorita entre as dezaseis finalistas seleccionadas.

 Teredes que visitar o  mural nas escaleiras do cole e votar pola que máis vos guste. É unha misión moi importante porque as máis votadas terán un papel fundamental  no cole proximamente. 

Cal será ese papel? Axiña vos seguiremos contando...

 

 

OS CÓMICS DA NOSA VIDA

Lecturitas atópase moi emocionado porque xa temos listo o  mural cos cómics da nosa vida, unha liña do tempo na que podemos ver os cómics que lía gran parte da nosa comunidade educativa. 

Moitísimas grazas ás familias e aos mestres por compartir connosco cales eran os seus cómics preferidos cando eran cativos!

E non vos esquezades de visitar este mural tan especial, no que atoparedes cómics de diferentes temáticas que seguro que vos encantan. 

Ademais poderedes descubrir cales lían Andrés, a "teacher" Teresa e outros profes do cole, así como moitos dos vosos familiares.